تجربتي مع تحويل الغرفة لذكية كانت بسيطة وحلوة. بالبداية الغرفة ما كان فيها شي ذكي، لكن مع الوقت اكتشفت إنه أي شخص يقدر يخلي بيته ذكي بدون ما يحتاج يكون مؤسس البيت أو يرممه، وحتى يمديه يسوي هالشي بمبلغ رخيص جدًا.

المكيف والتلفزيون:
بقطعة IR، قدرت أخلي المكيف والتلفزيون ذكية, وصرت أتحكم فيهم بالصوت عن طريق أليكسا.

الإضاءة:
استخدمت الأفياش الذكية وربطتها مع أليكسا، وصرت أقدر أطفي وأشغل النور بالصوت أو حتى من الجوال.

قفل الباب:
القفل الذكي TTLock تجربة ممتازة، أقدر أفتح وأقفل الباب بالجوال بدون مفتاح وأعطي تصاريح للضيوف. زاد من الراحة والأمان.

الأجهزة:
استخدمت الفيش الذكي وربطته مع أليكسا، وصرت أقدر أشغل وأطفي الأجهزة بالصوت أو من الجوال، وصار يمديني أضبط مواعيد لتشغيلها وأتابع استهلاكها للكهرباء.

الستارة الذكية:
ركبت محرك ذكي وربطته مع أليكسا، وصرت أتحكم بفتح وإغلاق الستارة بالصوت أو من الجوال. أقدر أضبطها تفتح وتغلق تلقائيًا حسب الوقت أو الإضاءة الطبيعية، مما زاد الراحة وسهّل علي تجربة المنزل الذكي.

باب الكراج الذكي:

ركبت جهاز التحكم الذكي لباب الكراج وربطته مع أليكسا، وصرت أقدر أتحكم بباب الكراج بسهولة سواء بالصوت أو من الجوال. صار يمديني أفتح وأقفل الباب عن بُعد وأتابع حالته مباشرة. كمان، أقدر أضبط تنبيهات توصلني إذا انفتح أو انقفل الباب، وهذا يعطيني راحة وأمان أكثر.

بصراحة، ما توقعت الموضوع يكون بهالسهولة والتكلفة الزهيدة. أي واحد يقدر يخلي بيته ذكي، ما يحتاج تأسيس ولا ترميم، وبأشياء بسيطة تغيّر لك كل التجربة.